Camiño Vello da Ponte

tamén se coñece co nome de Camiño de Arriba. "Deixouse de utilizar cando se fixo o Camiño de Abaixo, hoxe asfaltado. Un que foi xuíz na Ponte, Dionisio González, foi o que promoveu a construción do novo camiño, despois estrada. O asfalto puxérono os veciños mediante prestación persoal alá ; primeiro botáronlle merrullo e despois barro con carros do país (o cura D. Marcelino chegou a denunciar aos veciños por traballar no camiño o domingo; a Garda Civil podía poñer multas por iso); isto pasou a mediados da década de 1960. Máis tarde chegaría o asfalto, alá por 1975 sendo presidente da Deputación Antonio Puig, que ten unha mansión en Mourente rodeada por unha muralla; os veciños de Ponte Sampaio fóronlle podar e segar a herba a esta propiedade privada para facerlle a pelota; e así foi. O mesmo fixeron cun encargado que traballaba para el, pero neste caso botáronlle unha placa nunha casa da súa propiedade."