As Grotas

Terras de labor situadas á beira do Rego dos Bois, corrente que desemboca no río Lérez, de aí que esta voz designe tamén, por extensión, unha parte dos terreos que se localizan á beira deste gran río. Os dicionarios portugueses dannos o significado de “terreno em plano inclinado” así como o de “abertura por onde a água das enchentes invade os campos marginais”; varios dicionarios históricos do galego apuntan a acepción “abertura feita polas crecidas na marxes dos ríos”. Este mesmo topónimo foi documentado no concello da Estrada , concretamente nas parroquias de Agar (Sta Mariña) e Ancorados (Sto Tomé). Posiblemente derivado da voz gruta, “cavidade, caverna, cafurna, cova, furna”. No Catastro aparece grafado como "Grota", "Crota" e mesmo "Croata".

—