Os Pozos da Draga

No mar, o xenérico "pozo" fai referencia aos buratos, en ocasións de grandes dimensións, que hai entre os areos, e que para o marisqueo a pé poden resultar moi perigosos, sobre todo cando se ía cos buzos (hoxe en día van con traxes de neopreno) polo que era moi importante saber onde estaban. Ademais dos naturais, tamén os había artificiais, como neste caso, que se produciu ao redor de 1960, cando estiveron a dragar no Areo de Pau, para empregar esa area en facer o recheo da celulosa. Por causa diso, estalou o conflito coas mariscadoras, que vían como ademais de levarlles gran parte do banco marisqueiro, estaban a destruír o que quedaba. Once mariscadoras foron encarceradas e mesmo lles quixeron facer un consello de guerra.

—