A Taberna de Gumersindo Estévez

Era unha taberna que había preto do Castro das Croas. Logo o propietario, que xa a herdara do seu sogro, trasladouna a carón da Taberna da Asturiana. Tanto a taberna como o seu propietario, Gumersindo Estévez, teñen unha compoñente mítica, pasando a formar parte do imaxinario colectivo. Gumersindo tiña uns libros moi antigos de historia, e faláballes, sobre todo ós rapaces, das mouras que habitaban o castro. A taberna era o lugar onde comezaban as cornetadas e algúns dos entroidos que acabaron por converterse en míticos.

—