O Cruceiro de Estribela

Hoxe en día, o cruceiro orixinal está na Praza das Cinco Rúas, en Pontevedra. Hai unha réplica deste cruceiro no parque, a uns 60 metros deste lugar. O hórreo que había ao carón do cruceiro, tamén se trasladou ao parque, a unhas ducias de metros do emprazamento orixinal. Segundo contan os veciños máis vellos, no ano 1939, os falanxistas, celebrando a vitoria na Guerra Civil, colgaron unhas guirnaldas no cruceiro e acabaron tirándoo ao chan. Pasados moitos anos, membros do Museo de Pontevedra levaron os restos para a cidade e restaurárono. Pero o cruceiro xa non regresou á parroquia. Xa en época democrática houbo diferentes reclamacións veciñais para que o cruceiro volvese ao seu lugar, pero o máximo que se conseguiu foi que instalaran unha réplica no seu emprazamento actual. O Concello de Pontevedra rexeita a posibilidade de que o cruceiro se mova da zona vella da cidade.

—